Comezamos o curso 2024-25 tras dunha mirada a nosa ría, recoñecemos o lugar onde vivimos. O lema
deste curso será: A ría da nosa existencia. Este punto de encontro entre
o mar e a terra que nos define, que nos outorga carácter e identidade. O ser
humano precisa dunha terra e polo tanto da paisaxe para crear unha cultura. A
nosa cultura e a nosa lingua está intimamente unida á paisaxe onde vivimos.
Logo o mar, a ría son esenciais para podernos interrogar sobre nós mesmos, para
coñecermos mellor.
Bótalle un ollo a estes
dous vídeos:
1- Procura recoller varias expresións propias para recoñecelas cando as escoites a próxima vez:
- Estás coma unha quenlla, rapas...
- Arestoras na prasa só quedan os ferros...
- Se andas a aghuadisar
- Apañou hox uns chinchos
- Pra congros son moi longos e pra sargos son moi largos
- Queres mirar?
- Home, Que milagre! Vai morer o demo!
- Tes cara de andar esfolado.
- Non che dá a virada pra vir máis por aquí?
- Nós eramos un pan partido polo medio
- Fálame sempre!
- Unha vez que viches os
dous vídeos cres que a lingua que falamos no Morrazo está ligada ao mar e as
rías nas que vivimos?
2- Cres que falan un galego distinto ao noso noutras comarcas de Galicia? Por que cres que se producen estas
diferenzas?
3- En que aspectos se diferenza o
galego normativo e o galego do Morrazo?
4- Pensas que o feito de que existan estas variantes dialectais do galego é unha riqueza ou que pola contra resulta un inconveniente?
Comentarios