.jpg)
Analizamos os resultados das enquisas da árbore filolóxica da clase intentamos dar resposta ás dúas preguntas que nos faciamos.
1ª Cal é a razón de que o galego dende a época das nosas avoas/os a hoxe tivese un descenso tan considerable no número de falantes?
2ª Que podemos facer para frear esa situación herdada e inxusta?
Situacións que influíron no uso do galego desde o tempo das bisavoas e bisavós ata hoxe:
1900: O galego, LINGUA MILENARIA cumpre 1000 anos de uso.
1920- O GALEGUISMO: Reclamaba o galego como lingua oficial o que permitiría a súa introdución na administración e nas escolas.
1936- 1976- O FRANQUISMO: Declara oficial exclusivamente o castelán.
Nos 40 anos da Ditadura na escola, medios de comunicación e na administración só se pode usar o castelán. A represión, a acción dos medios de comunicación en castelán e a desruralización de Galicia contribuíron á perda de falantes de galego de forma contundente.
1980-2019: COA VOLTA DA DEMOCRACIA converte ao galego en idioma cooficial en Galicia, comezan as emisiones da RTVG e a introdución do galego nas escolas.
Despois de analizar os resultados das enquisas da árbore filolóxica da clase intentamos dar resposta as preguntas que nos faciamos:
1ª/ Cal é a razón de que o galego dende a época dos nosos avós/as a hoxe tivese un descenso tan considerable no número de falantes?
1ª SOBRE AS RAZÓNS DA PERDA DE GALEGO FALANTES:
Atopamos na aula inicialmente tres ou catro respostas posibles a esta cuestión tan complexa:
- A ditadura de Franco. Un goberno de 40 anos contrario á lingua galega. O medo e a represión que viviron especialmente as nosas avoas e avós e qu eherdaron os nosos pais e nais.
- O ser o castelán o único idioma oficial e das clases acomodadas, logo asociado ao éxito social e o galego ao idioma dos "pobres".
- O non nos falar os nosos pais/ nais en galego a nós a pesar de ter recuperado a Democracia e poder incorporarse á recuperación da nosa lingua.
- O feito de que haxa un ambiente pouco propicio (amigos/as, compañeiras e compañeiros de clase, etc) que só nos falen en castelán.
2ª QUE PODEMOS FACER PARA FREAR ESA SITUACIÓN HERDADA E INXUSTA?
Na aula atopamos as seguintes respostas:
- Coñecer a historia recente da nosa lingua e os motivos herdados polos que se produce esta situación negativa para o galego, as razóns das discriminacións e dos problemas recentes nos que vive o galego a día de hoxe.
- Comprometerse a transformar esta situación inxusta nunha nova realidade para a nosa lingua usándoa cada vez máis. Recuperar o número de falantes que a nosa lingua tivo na época das nosas avoas e avós. non significa descoñecer o castelán, pero si falar máis galego.
Comentarios