GALEGO 1º da ESO (aulagalegasn@gmail.com)

Que é o ciclo das TRECE  LÚAS? En galicia celebramos  o Nadal no ciclo das 13 lúas (período de noites máis longas do ano ou de solsticio de inverno que vai do 24 de decembro ao día 6 de xaneiro) Son noites nas que os cantos polas parroquias de vilancicos, panxoliñas, manueles ou cantigas de Nadal era unha fórmula tradicional de celebrar este tempo do inverno asociado desde hai séculos ao nacemento de Cristo (antes era o Día do Sol por exemplo para os romanos).  Hai personaxes populares como o Apalpador que traen agasallos humildes como un puñado de castañas nas zonas da montaña.  Existen lugares de Galicia que tamén se celebran danzas específicas e mesmo os Reis xa son unha especie de comparsa con máscaras como no Cebreiro preámbulo claro do Entroido.  

  Para rematar este primeiro trimestre imos realizar a lectura dun clásico da literatura galega contemporánea, un libro de Xosé Neira Vilas titulado Memorias dun neno labrego Unha semana despois das vacacións faremos a proba de lectura desta obra. 

  Os mil e un nomes dos bechos  ACTIVIDADES:  1- Paxaros e peixes, mamíferos e herbívoros, insectos e réptiles da nosa fauna.  Enumera en feminino e masculino o nomes de 50 animais: 25 domésticos e outros tantos salvaxes.  2- Identifica  logo na túa listaxe e clasíficaos segundo pertenzan ás categorías seguintes: Paxaros: Peixes: Moluscos: Insectos: Réptiles:  Herbívoros: Carnívoros:  Omnívoros: 3- En que categoría colocarías aos morcegos, aos caracois, ás limachas ou lesmas e aos vagalumes ou lucecús?  Son invertebrados, pero serán insectos ou vermes?  E as bolboretas en que categoría as colocamos?

  Resumimos este audiovisual sobre un dos mitos máis espallados por toda Galicia habitualmente coñecido co nome da Compaña.  Resumamos este audiovisual sobre a visita obrigada a Santo André de Teixido

Unidade 0: A memoria de noso.  Lingua e Sociedade:  -  A nosa lingua ten nai e avoa: -   A lingua que nos fai orixinais - O dereito a ser diferente . (Metáfora do idioma) UNIDADE 1: O nome de Galicia e o galego entre as linguas do mundo Comunicación: libro da aula páx. 8  Gramática: As palabras no libro páx. 16.  Morfemas flexivos e derivativos, palabras derivadas e compostas. Parasíntese. páx.17 Clases de palabras. Das palabras ás frases:  As frases ou sintagmas no blog. Ortografía: Normas de acentuación páx. 15 Vocabulario: Os dicionarios páx. 14 Literatura: Literatura e funcións da literatura páx. 20-21 UNIDADE 2: Lingua e sociedade: A árbore filolóxica de 1º da ESO  Comunicación: Comunicación oral e escrita no libro páx. 28 Gramática: O Substantivo. Xénero e número no blog e/ou no libro páx. 100-101 Vocabulario: O alfabeto galego e a orde alfabética páx. 34 Ortografía: Acentuación Ditongos, tritongos e hiatos páx. 35  Acentos diacrí...

CLASES DE PALABRAS. SUBSTANTIVO:  XÉNERO E NÚMERO

  Analizamos os resultados das enquisas da árbore filolóxica da clase intentamos dar resposta ás dúas preguntas que nos faciamos. 1ª Cal é a razón de que o galego dende a época das nosas avoas/os a hoxe tivese un descenso tan considerable no número de falantes?                                         2ª Que podemos facer para frear esa situación herdada e inxusta?   Situacións que influíron no uso do galego desde o tempo das bisavoas e bisavós ata hoxe: 1900: O galego, LINGUA MILENARIA cumpre 1000 anos de uso. 1920- O GALEGUISMO: Reclamaba o galego como lingua oficial o que permitiría a súa introdución na administración e nas escolas. 1936- 1976- O FRANQUISMO: Declara oficial exclusivamente o castelán.  Nos 40 anos da Ditadura na escola, medios de comunicación e na administración só se pode usar o castelán. A represión, a acción dos medios de comunicación en castelán e...