Sabías que Galicia ten un dos 10 entroidos máis orixinais do mundo? Por que é tan especial?
Pero que é iso do Entroido? Por que se celebra en todo o mundo? Cal é o seu significado, a súa orixe?
O Entroido na súa etimoloxía indícanos unha palabra "entrada" que nos axuda a entender que se celebra, unha preparación para que entre ben a primavera, o tempo da calor, o tempo das colleitas nos campos, propiciatorio da fecundidade tamén do gando, mesmo dos seres humanos.
Que é o que marca o comezo e o remate do Entroido? A Coresma é ese períod e 40 días que remata coa primeira lúa chea da primavera. ë este tempo un tempo de xexún durante o cal se invita á reflexión sobre o misterio central da relixión cristiá, a morte e resurrección de Cristo e se invita a que os venres non se pode comer carne. De aí estoutra denominación do tempo anteior á Coresma, o Carnaval (que quere dicir "adeus á carne") que é unha das tradiciois propias do Entroido comer abundante carne de porco.
O NOSO MECO
COPLAS PARA UN XOVES DE COMADRES NO SEI SAN
NARCISO 2025
ELAS:
VEN O ENTROIDO, VEN AXIÑA
COA MÁSCARA E O BARULLO
PRA PODER BRINCAR COS MOZOS
PARA ENCHER BEN O BANDULLO!
ELES:
HOXE XOVES DE COMADRES
LEVAN O MECO AS MULLERES
PRA O XOVES QUE VÉN TOCA
FACER ÓS HOMES OS DEBERES
ELAS:
ARRIBA PANDEIRO ROTO
ABAIXO MANTA MOLLADA
ONDE ESTEMOS AS MULLERES
OS HOMES NON VALEN NADA
ESTE MECO QUE TRAEMOS
PARECE UNHA PROFESORA
CON APUNTAMENTOS E TODO
DA SÚA MATERIA DE HISTORIA
ESTE MECO QUE LEVAMOS
SEMELLA SER PROFESORA
QUE DÁ LENGUA E APOIOS,
ADEMAIS DE DAR HISTORIA
VEN O
ENTROIDO, VEN AXIÑA
COA MÁSCARA E O BARULLO
PRA PODER BRINCAR COS MOZOS
PARA ENCHER BEN O BANDULLO!
Sigamos compoñendo esta cantiga dialogada para os nosos Mecos.
ELES:HOXE É XOVES DE COMPADRES...
Comentarios