Sabías que o Entroido galego é un dos máis orixinais do mundo? E por que?
Investiguemos sobre este ciclo que prepara unha boa Entrada (Entoido) da primavera. Unha festa pagá que sobreviviu grazas ao Cristianismo, grazas a denominada Coresma, ese período de corenta días que se sitúa despois do Entroido e no que se realiza un xexún (deixar de tomar carne cada venres) como forma de mostrar respecto para ceberar logo a morte e resurrección de Cristo coincidindo coa primeira lúa chea da primavera que sempre debe coincidir coa denominada Semana Santa.
A presión do Cristianismo na Europa Occidental permitiu logo a conservación dese período caótico de máscaras e grandes comidas que se denomina Entroido. En Galicia celébrase o Entroido máis longo do mundo que comeza xusto despois do día de Reis (6 de xaneiro) e remata no día de martes de Entroido.
O xeito no que se celebra tradicionalmente en Galicia o Entroido ten que ver cunha cantidade moi diversa de máscaras como o Cigarrón de Verín, Os Peliqueiros de Laza, as Pantallas de Xinzo e os folións de Maceda ou Viana do Bolo, entre outras moitas da provincia de Ourense. Comitivas nas que se tira fariña e trapos enlamados, tocan grandes binbos e as chocas soan por todos os lados. Hai outros festexos en lugares diversos como os Xenerais do Ulla ( na Coruña) ou as danzas de Vilaboa ou o enterro do Meco do Grove ou da Sardiña de Marín e o Rabachol en Pontevedra nas que tamén se corre o Entroido e pecha o ciclo de xeito peculiar.
Comentarios